Tơbleăng hnê mơhno a hâi Hôp, pôa Tô Lâm, Kăn xiâm pơkuâ hnê ngăn Đảng, Kăn xiâm hnê ngăn tơnêi têa pơkâ thế, pơtối hnê tối mâu tơdroăng ki kal dêi Đảng ‘na ‘Mâi hơ’lêh Luât ƀă mơjiâng Tơnêi têa tro tiô luât Xã hội chủ nghĩa, ôh ti xê xua pơ’lêh túa tơkŭm cheăng Khu Hnê mơhno mê pro hrá, pro hlâu tâ lơ pro pơtê pơla mê tơdroăng cheăng ‘mâi hơ’lêh luât.

Pakĭng mê, pơtối mơdêk ki tơbrê pê klêi luât pơkâ, tơkŭm pêi pro tro luât ƀă tơdroăng cheăng dêi mâu kơ koan luât. Séa ngăn nhên hnoăng dêi luât, hbrâ mơdât ki ôh tá tro tung tơdroăng cheăng ‘na luât; Pakĭng mê, mơjiâng khu kăn ƀô̆ ‘na luât lĕm tơdrăng, khên tơnôu, rơkê ƀă mơdêk ‘na luât kơxô̆, rak ngăn ‘mâi hơ’lêh luât chêh ‘mot tung kơmăi.