Tơdroăng tơkêa bro ai tâi tâng kơlo liăn mơ’no lối 1.516 rơtal liăn, châ pêi pro a 7 to cheăm tơkăng kong Ia Mơ, Ia Púch, Ia Pnôn, Ia Nan, Ia Dom, Ia Chía ƀă Ia O. Riân troh apoăng khế 6, tơdroăng tơkêa bro pro hiăng kêi đeăng dâng 50% kơxô̆ tơdroăng cheăng pêi pro. Laga, tŭm 7 toăng hngêi trung xuân hrá tơdroăng mơjiâng pro dâng 1 khế.

Khu pơkuâ mâu tơdroăng tơkêa bro mơ’no liăn mơjiâng kong pơlê Gia Lai pơkâ, sap ing kố troh tâi lơ 30/8, mâu tíu cheăng ki veăng rôh pêi cheăng, tơkŭm ki hên kơxô̆ mơngế pêi cheăng, séa ngăn rêm tơmeăm, tơ’nôm mơngế pêi cheăng, kơmăi kơmok ƀă tơkŭm po mơjiâng đi đo vâ tơniăn pêi kêi đeăng tâi tâng tơmeăm.

Mâu tíu hnê mơhno, séa ngăn thế đi đo châ mơnhên ngăn tơmeăm khoăng, pơkuâ krá tơdroăng ki dâi lĕm, tơniăn pêi cheăng, ôh tá xê xua tô tuăn mê tơdjâk troh ki dâi lĕm tơmeăm khoăng.