A rôh hôp, pôa Lê Minh Hưng pơxiâm ƀă môi rơkong kơ-êng, mê cho tung môi plâi tơnêi dế pơhlêh ó, tơdroăng pơkâ mơ’no hâi kố ôh tá xê to ASEAN kô hmâ ga tiah lâi, mê ASEAN kô cho troăng mơjiâng túa lĕm dêi ASEAN ƀă tối tiah kố mâu hơnăm hneăng la ngiâ kô cho troăng pơkâ la ngiâ dêi ASEAN tung môi plâi tơnêi mê kong ngê̆ dế pơkâ ki rơkê, tíu chêh ‘măn tơdroăng hnoăng pơkuâ ƀă pơhlêh xúa kong ngê̆ dế pơkâ túa mơjiâng pro. Tối rơdêi ki kơnía kân má môi dêi ASEAN tung mâu hơnăm la ngiâ kô mơhno tiah kố môi pơlê pơla tơrŭm ƀă mơeăm xêh tâi tâng chiâng vâ veăng pơkâ pêi kơtăng ăm tơdroăng ki hơniâp lĕm, tơrŭm cheăng ƀă mơnhông dêi kơpong ƀă lâp plâi tơnêi.

Ngế pro xiâm hnê ngăn tơnêi têa tối nhên: Việt Nam tơhrâ pơtối rơtế prôk ƀă ASEAN ƀă tơdroăng rơhêng vâ mơjiâng pro tơdroăng cheăng tung la ngiâ, xua tơdroăng tung la ngiâ dêi Việt Nam tro ƀă tơdroăng la ngiâ dêi ASEAN xuân môi tiah tro ƀă hơniâp lĕm, tơniăn ƀă kro mơdrŏng tơdjuôm dêi tá kơpong.