Klêi kơ’nâi leh tơdah, péa ngế kăn pơkuâ djâ khu râ kăn xiâm péa tơnêi têa tơkŭm tơpui tơno vâ mơdêk tơrŭm cheăng pơla péa pâ. Việt Nam prế Kul mơjiâng tơrŭm tơpui kâ sap hơnăm 1967 ƀă rak đi đo mâu tơdroăng tơpui tơno pơla khu, trâm mâ khu râ kăn xiâm. Tơrŭm kring vế, gak ngăn tơnêi têa – kring tơniăn pơtối cho trăng ki xiâm kal khât, tung mê péa pâ mơnhên ôh tá lôi ăm khu ki lâi xúa tơnêi tơníu dêi tơná pro ôh tá tơniăn gâk kring dêi tơnêi têa ki tá.

Hơnăm 2025, pêi lo liăn tê mơdró pơla péa pâ châ 11,33 rơtal dollars; pŭn khế apoăng hơnăm 2026 châ vâ chê 5 rơtal dollars, tâk 9,6% tâng pơchông ƀă rôh kố hơnăm nah. Péa tơnêi têa dế tơrŭm pêi pro pơkâ mơdêk pêi lo liăn tê mơdró tâk 20 rơtal dollars tung la ngiâ, tơdrêng amê pơtối mơdêk tơpui tơno kuăn pơlê ƀă tơrŭm ôm hyô.