Hneăng lăm pôu ton hâi troh hâi lơ 11/6 ƀă hên tơdroăng tơpui ki kal vâ mơdêk tơrŭm cheăng pơla Việt Nam ƀă Nhuk. Tiô tối hdrối, Phŏ Ngế pro xiâm hnê ngăn tơnêi têa kô trâm Ngế pro xiâm hnê ngăn ‘na Luât Nhuk, Kăn hnê ngăn Hô̆i đong mơhnhôk tơpui kâ kuăn pơlê Nhuk; koh tơpui tơno mâu kăn Chin phuh ƀă Kăn hnê ngăn Kuô̆k hô̆i râ má Môi Nhuk.

Tiô tối hdrối, Phŏ Ngế pro xiâm hnê ngăn tơnêi têa xuân ai mâu rôh pêi cheăng ƀă Kơ koan Tơrŭm cheăng Lâp plâi tơnêi Nhuk, Khu xiâm ngăn hnê hriâm, Túa lĕm tro, Tơ’noăng ivá, Khoa hok ƀă kŏng ngê̆ Nhuk, Kăn hnê ngăn kong pơlê Gunma, Khu tơrŭm ngê̆ sih tơrŭm pơla Nhuk - Việt; thăm ƀă pêi cheăng ƀă mâu tíu pêi cheăng tăng ngăn, hnê mơhno.

Tung tơdroăng lăm pôu, pêi cheăng, Phŏ Ngế pro xiâm hnê ngăn tơnêi têa kô trâm Phŏ ngế pro xiâm hnê ngăn kong têa Siam ƀă Kul.