Klêi kơ’nâi leh tơdah kân krip a Tíu xiâm Chin phuh, péa Ngế pro xiâm hnê ngăn tơnêi têa hiăng tơkŭm tơpui tơno ƀă vêh mơnhên tơdroăng khŏm mơ-eăm pơtối tơbêng tơrŭm cheăng nhŏng o, tơrŭm môi tuăn ki lĕm tui tơdroăng, tơrŭm tâi tâng ƀă tơdjêp troăng pêi cheăng ton xŏn Việt Nam - Lếo.

Péa pâ kheăn kơdeăn mâu tơdroăng châ tơƀrê tơrŭm cheăng tung pơla kố nah, tơdrêng amê môi tuăn rak châ tơƀrê mâu troăng tơrŭm cheăng, pêi pro kơtăng mâu tơdroăng môi tuăn khu râ kăn xiâm ƀă Tơrŭm pơla péa pâ hneăng hơnăm 2026 – 2030. ‘Na cheăng kâ, péa tơnêi têa môi tuăn mơdêk tơrŭm hngêi trăng troăng klông, logistics ƀă tê mơdró tiô troăng pơhlêh rơdêi tơrŭm cheăng pơla péa pâ châ tơƀrê, rơtế mơnhông mơdêk; kơjo mâu tơdroăng tơkêa bro ton xŏn môi tiah troăng kân ăm phêp rơxế kơtâu têi Hà Nội – Viêng Chăn, troăng rơxế lơtreng Vũng Áng – Viêng Chăn, gum thăm tơdjêp kơpong.