A tơdroăng kố, 1.000 kŏng nhân châ khăm pơlât, hnê mơhno rak ngăn ivá ƀă xing xoăng pơkeăng tê kơtê; tơdrêng amê châ tŏng gum hnê mơhno cheăng pêi, kĭ sim phôn inâi dêi tơná rơtế mâu tơdroăng tơ’noăng ivá, khôi túa lĕm tro, rơhdruê xuăng.

Xông tơpui a hâi tơkŭm xah hêi ro, jâ Nguyễn Kim Quy, Phŏ Kăn hnê mơhno má môi Khu xiâm Khu pơkuâ Khu droh rơtăm Việt Nam tối rơdêi, mâu râ khu Cheăng, Hô̆i tung pơla kố nah hiăng pêi pro hên tơdroăng rơtế pêi pro, mơdêk tơdroăng kế tơmeăm khoăng, ihiâm mơno ƀă tơdroăng cheăng ăm droh rơtăm kŏng nhân.

Rôh kố, Khu xiâm Khu tơpui tơno 20 kơxuô tơmeăm ăm droh rơtăm kŏng nhân pá puât; Khu pơkuâ Đoân, Khu pơkuâ Droh rơtăm Việt Nam kong pơlê Gia Lai ƀă Khu Tê mơdró hơnăm ối nếo kong pơlê diâp tơ’nôm 100 kơxuô tơmeăm tŏng gum mơngế pêi cheăng tung kong pơlê.