Mơgêi rôh hôp, Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa tối rơdêi tơdroăng pơkâ kơxô̆ 36 cho pơkâ tơtro, djâ troăng ngăn la ngiâ, veăng gum mơdêk ki hlê plĕng ‘na tíu ối, hnoăng cheăng dêi têa kơxĭ; pêi pro klêi troăng hơlâ tŏng gum, troăng mơdêk mơjiâng pro dêi mâu kơvâ cheăng kâ têa kơxĭ, thăm mơnhông pro troăng prôk kĭng têa kơxĭ, pơhlêh tơdroăng rêh ối kuăn pơlê ƀă ‘mâi mơnhông cheăng lêng gâk kring, tơpui kâ, rak vế hnoăng pơkuâ têa kơxĭ, chuăn rơlố. Laga, cheăng kâ têa kơxĭ xuân tá hâi mơnhông tơxâng ƀă ki ai hlâu ƀă pơkâ thế mơnhông tơnêi têa.

Kăn xiâm pơkuâ hnê ngăn cheăng Đảng, Kăn xiâm hnê ngăn tơnêi têa pơkâ thế hriăn ngăn mơjiâng pro môi tơdroăng pơkâ nếo dêi Tơnêi têa ‘na têa kơxĭ, pro chiâng mơnhông túa tơmiât, troăng hơlâ ƀă túa pơkâ mơnhông châ tiô tơdroăng púi vâ mơnhông tung hneăng la ngiâ.