Têt Lo hơnăm nếo Quý Mão 2023 dế hiăng vâ chê troh, tơdroăng tơniăn bê tơmeăm ƀă tơniăn yă kơchơ mơdró cho tơdroăng ki kal châ kơvâ Khu pơkuâ kơmăi kơmok Tê mơdró ƀă mâu kong pơlê, khu tê mơdró a Gia Lai hbrâ pêi pro. Tiô Khu pơkuâ Kơmăi kơmok tê mơdró kong pơlê Gia Lai tối hdrối, tơdroăng kal vâ rôe tơmeăm tung roh Têt lo hơnăm nếo Quý Mão 2023 kô tâk dâng 30%. Vâ tơniăn mơjiâng pro ƀă rôe xúa tơmeăm khoăng, Khu hiăng pơkâ mâu tíu cheăng, khu tê mơdró pêi pro pơkâ ‘măn mâu tơmeăm ki kal xúa rêm hâi, ki rơhêng vâ tối cho tơmeăm ôu kâ, pêi pro châ tơƀrê tơdroăng tơniăn yă, tê tơmeăm tro yă tem.

Tơdrêng amê, mâu tíu cheăng kĭ tơkêa tơniăn tơmeăm khoăng, ai mơ-éa đơn mơnhên tŭm, xiâm kối nhên. Mâu khu tê mơdró tung pơlê mơdêk ki dâi lĕm tơmeăm, pro tơ’lêi tơbriât ƀă mâu tơmeăm ki rôe ing kong têa ê kum pêi pro châ tơƀrê roh mơhnhôk ‘’Mơngế Việt Nam kơjo rôe xúa tơmeăm khoăng Việt Nam’’.