VOV4.Xơ Đăng - Kơxo lơ 7/7, 5 ngế tung khu mâu rơtăm a pơlê Kloong, cheăm Ia O, tơring Ia Grai, kong pơlê Gia Lai tro tê kĕn kong têa Kul hiăng châ tŏng kum, djâ vêh a kong pơlê Gia Lai tơniăn. Đăi tă Trần Thanh Bình, Kăn phŏ pơkuâ đông lêng lêng Mố đô̆i gak tơkăng kong dêi kong pơlê Gia Lai ăm ‘nâi, 5 ngế mê cho Puih Đại (kot mâ 1998), Puih Môi (kot mâ 2004), Ksor Jối (kot mâ 2004), Pyih Chiêu (kot mâ 2003), Ksor Gum (kot mâ 1999).

5 ngế rơtăm châ tŏng xo, pơcháu ăm đông Mố đô̆i gak tơkăng kong Việt Nam kơxê lơ 6/7 a Tíu tê mơdró tơkăng kong Mộc Bài - Tây Ninh

Khu mâu rơtăm mê rơtế ƀă Kpuih Thái (kot mâ hơnăm 1994) ƀă Kpuih Phú, (kot mâ 2006) châ tŏng xo a hâi lơ 3/7 ƀă lơ 4/7 pơla kố nah xuân tro ngế inâi Trần Quang Quyết (kot mâ hơnăm 2001, ối a cheăm Ia Dal, tơring Ia HDrai, kong pơlê Kon Tum) lông hêak pơloi tê vâi kĕn kong têa Kul tung 2 hâi lơ 20 ƀă 21/6/2022 kố nah.

Hâi lơ 5/7 kố nah, Đông mố đô̆i gak tơkăng Ia O (cho đông mố đô̆i gak tơkăng kong Gia Lai) xuân hiăng rup tơleăng mâu ngế ki ai xôi tê rôe mơngế hlối pơtroh hồ sơ ƀă pơcháu ngế ki ai xôi Trần Quang Quyết ăm Kơ koan kăn sát Séa ngăn Kŏng an kong pơlê Gia Lai pơtối séa ngăn, mơnhên mâu tơdroăng tro tiô luât.

Gương tơplôu tơbleăng