Luâ 42 hơnăm mơjiâng , mơnhông tơ ƀrê troh nôkố thôn ai 210 rơpŏng tung mê ai 950 pơ’leăng mâ mơngế, ai 27 ngế đảng viên. Tung mê kơxô̆ rơpŏng kơtiê ối dâng 6% , tung thôn ao 3 hdroâng kuăn ngo rơtế rêh ối, cho Tày, Bơhnéa ƀă Jarai. Kuăn pơlê tung thôn ki hên rêh ing pêi chiâk, tơnêi pêt báu klâng péa rơnó ai 146 ha klâng, pôm loăng 180 ha, pêt alâi, prá tŭm túa 6 ha, kơxô̆ liăn pê lo riên rêm ngế châ dâng 41 rơtuh liăn/ngế/hơnăm.

Mâu hơnăm hdrối, mâu khu tơrŭm cheăng kal kí pơlê pơla ƀă kuăn pơlê tung thôn Plei Kte lớn A hiăng vâ pêi pro mâu tơdroăng mơhnhôk tơ’noăng pâ  nhoăm tơnêi têa a thôn pơlê, malối cho mơhnhôk “ tâi tâng kuăn pơlê tơrŭm môi tuăn mơjiâng thôn pơlê nếo, kơphô̆ rơkê plĕng”;  “ pro pơ’lêh tuăn tơchê̆ng tơmiêt, túa pêi cheăng tung hdroâng kuăn ngo vâ kuăn pơlê choâ lâng mơnhông cheăng kâ hlŭn kơtiê xơpá”.