Kố cho môi tung tơdroăng tơbleăng kơ-êng a rôh hôp Hô̆i đong kuăn pơlê kong pơlê Gia Lai kơxo hâi lơ 1/10. Tiô tối tơbleăng dêi Vi ƀan kuăn pơlê kong pơlê Gia Lai, troh nôkố kơxô̆ liăn ngân ‘no mơjiâng tơmeăm khoăng dêi kong pơlê nếo châ 31,2% , iâ tâ kơlo tơdjuôm dêi lâp tơnêi têa.

Hên kong pơlê, kơvâ cheăng hiăng xo liăn ngân ‘no mơjiâng tơmeăm khoăng tơnêi têa hrá pêi. Tung mê, Khu ngăn pêi chiâk ƀă mơnhông thôn pơlê, Khu xiâm ngăn pơkeăng khăm pơlât, Khu xiâm ngăn Túa lĕm tro, Tơnoăng ivá ƀă Ôm hyô kong pơlê tối, kơxô̆ liăn ngân châ xo mê hâi teăm châ 10%. La xiâm ki pro chiâng ai tdroăng mê cho hrá pro xua tơvâ tơvân tơdroăng chêl thiĕn liăn ‘mâi xĕn tơnêi kơdum deăng hngêi trăng kuăn pơlê, hlối ôh tá bê tơmeăm vâ mơjiâng pro; hên tơdroăng tơkêa bro xuân dế tung pơla hbrâ vâ ‘no liăn cheăng lơ ‘mâi hơ’lêh.