VOV4.Xơ Đăng - Kơxo lơ 30/5, a Tíu xiâm mơhno túa lĕm tro kơpong Peăng Mâ Hâi lo, kong pơlê Hải Dương tơkŭm po Hneăng hôp trâm mâ ngế tê mơdró Nhuk 2022 ƀă dó inâi ‘’Hải Dương – Tơmeăm ki ai hlâu ƀă roh tơ’lêi mơ’no liăn cheăng FDI’’. Hluâ 25 hơnăm mơhnhôk mơ’no liăn cheăng FDI, troh nôkố, hiăng ai 490 tơdroăng tơkêa bro kong têa tê mơ’no liăn cheăng a kong pơlê Hải Dương; tung mê, ai 60 tơdroăng tơkêa bro dêi Nhuk ƀă tâi tâng kơxô̆ liăn vâ chê 1,5 rơtal dollars, ối má péa ‘na kơxô̆ tơdroăng tơkêa bro ƀă kơxô̆ liăn mơ’no pêi cheăng FDI a Hải Dương.

Hải Dương mơhnhôk mơ’no liăn cheăng ƀă mâu khu tê mơdró Nhuk

Pôa Phạm Xuân Thăng, Kăn pơkuâ hnê ngăn cheăng Đảng kong pơlê Hải Dương mơnhên, Hải Dương kô cho môi tíu troh mơ’no liăn cheăng rơhêng vâ păng ‘nâng dêi mâu khu tê mơdró kong têa Nhuk. A hneăng hôp, kăn pơkuâ kong pơlê Hải Dương hiăng tiâ tơdroăng rơhêng vâ ‘nâi plĕng, tah lôi hên tơdroăng pá puât, tơvâ tơvân ăm mâu khu tê mơdró kong têa Nhuk; pơ-ôu pơ-eăng ƀă diâp pri ăm mâu khu tê mơdró kong têa Nhuk ki má môi, ai tơdroăng tê mơdró lĕm ƀă veăng kum hên ‘na liăn ngân Tơnêi têa xuân môi tiah kong pơlê Hải Dương.

A Sa Ly tơplôu ƀă tơbleăng