VOV4.Xơ Đăng - Klêi kơ’nâi 6 hâi pêi cheăng, kơxê lơ 10/5, Hneăng hôp roh má 5 Khu pơkuâ xiâm Đảng hneăng má XIII mơgêi a pơlê kong xiâm Hà Nội. Tung mâu hâi hiăng hluâ, Hneăng hôp roh má 5 Khu pơkuâ xiâm Đảng hneăng má XIII hiăng tơpui tơno, tơpui tối mâu tơdroăng ki tơdjâk troh tơdroăng ki kal. Mâu kăn tơpui tơno, tơpui ‘na: Mơgêi 10 hơnăm pêi pro Pơkâ Hneăng hôp Tơnêi têa 6 hneăng má XI ‘na pơtối pơ’lêh nếo troăng hơlâ, luât ‘na tơnêi tơníu tung rơxông thăm mơnhông tŭm têk tơdroăng pơhlêh nếo.

Hâi pêi cheăng má 5 dêi Hneăng hôp má 5 Khu pơkuâ xiâm Đảng

Mơgêi 15 hơnăm pêi pro Pơkâ Hneăng hôp tơnêi têa 7 hneăng X ‘na pêi chiâk deăng, kuăn pơlê pêi chiâk deăng, kơpong rêh ối kơnôm pêi chiâk deăng. Mơgêi 20 hơnăm pêi pro pơkâ Hneăng hôp tơnêi têa 5 Hneăng má IX ‘na pơtối pơhlêh nếo, mơnhông mơdêk ƀă mơdêk châ tơƀrê cheăng kâ khu pú hên. Tơdroăng tơkêa bro mơjiâng khu pêi cheăng Đảng ƀă đảng viên. Tơdroăng tơkêa bro mơjiâng Khu hnê mơhno râ kong pơlê ‘na hbrâ mơdât kâ kơhveăm liăn ngân, tơdroăng ki ôh tá lĕm tro. Tơbleăng tối dêi tơdroăng pêi cheăng pơkuâ, hnê mơhno dêi Khu xiâm kal kí, Khu pơkuâ hnê ngăn cheăng Đảng hơnăm 2021; ƀă mâu tơdroăng kal ki ê.

A Sa Ly tơplôu ƀă tơbleăng