Tơdroăng mê xua Khu xiâm ngăn mơhno Túa lem tro, Tơ’noăng ivá ƀă Ôm hyô tơrŭm ƀă mâu Khu xiâm, kơvâ cheăng xiâm tơnêi têa ƀă 5 to kong pơlê kơpong Tây Nguyên, mê cho: Kon Tum, Gia Lai, Dăk Lăk, Dăk Nông, Lâm Đồng tơkŭm po.

Ƀă tơdroăng pơxá “ Kong ngo Tây Nguyên - Tơkŭm ki lem tro ” tung 3 hâi leh, po sap hâi lơ 29/11 troh hâi lơ 1/12 a pơlê kong kơdrâm Kon Tum ƀă mâu tơring dêi kong pơlê Kon Tum. Tiô  tối hdrối veăng leh mê ai dâng 1 rơpâu ngê̆ nhân, diễn viên, mâu ngế tơ’noăng. Veăng leh ai mâu kuăn pơlê ƀă tơmối kô châ ngăn vâi tŏn chêng koăng Tây Nguyên; hlo mâu rôh vâ tơ’noăng pơla mâu rơtăm ƀă vâi droh ing mâu tơdroăng tơ’noăng ivá; ngăn ki lĕm kong kế, kuăn mơngế kơpong Tây Nguyên Kon Tum ing tơdroăng veăm lăm hyô ngăn a mâu tíu.