Hngêi pơkeăng Nhi Trung ương đi đo ai lối chât rơpâu ngế vâi hdrêng tamo ƀă nôu pâ vâi tung plông lối 6ha. Tá hâi tối, lối 2 rơpâu ngế kăn ƀô̆, ngế cheăng ‘na khăm pơlât mot lo tung hngêi pơkeăng rêm hâi. Tơdroăng kố ai hên tơdroăng ki ôh tá tơniăn ‘na kring vế, gak ngăn tơniăn.

Ki khât ai mâu roh tong hơ’vĕng kế tơmeăm, hêak pơloi hiăng trâm đi đo akố ƀă ki xiâm cho mâu rơxế ki chơ tơmối mot lo pơlông djâ tơmối ki kơtăn kố châ vâ chê chât hơnăm. Vâ rak tơniăn, tung pơla hdrối kố nah, Hngêi pơkeăng Nhi Trung ương hiăng thăm mơdêk tơrŭm ƀă kŏng an  bêng Láng Thượng ƀă bêng Ngọc Khánh, pơlê krâm Đống Đa.

Pakĭng tơdroăng ki mung mâu khu ki gâk rak vế tơniăn, hngêi pơkeăng ối ai 6 ngế cheăng châ hbru ăm chưng chih pêi cheăng gâk kring ki rơkê pêi hnoăng cheăng séa ngăn, pơkâ tơmiât hnoăng cheăng rak tơniăn ăm hngêi pơkeăng.