VOV4.Xơ Đăng - Tung 2 hâi, lơ 11 ƀă 12/7, po hneăng hôp má 13 dêi Vi ƀan pơkuâ cheăng Kuô̆k hô̆i. A hneăng hôp mê,  Vi ƀan pơkuâ cheăng Kuô̆k hô̆i  veăng hnê tối tung hlá mơ-éa tơbleăng tơdroăng séa ngăn ‘na mơjiâng pro troăng Trường Sơn Đông ƀă veăng hnê tối rôh apoăng hbrâ rôh hôp má 4 dêi Kuô̆k hô̆i hneăng 15; séa ngăn, tơbleăng hlá mơ-éa luât Pơkâ ‘na hnoăng cheăng pêi, tơdroăng pơkuâ ƀă tơdroăng tơkŭm cheăng.

Ƀă mâu tơdroăng cheăng kâ - rêh ối, Vi ƀan pơkuâ Kuô̆k hô̆i séa ngăn, pơkâ troăng rơhlâ pơ’lêh xúa kong, tơnêi kong ƀă tơnêi pêt báu nếo ing 2 rôh tơngi klêng dêi tơdroăng mơjiâng pro troăng kân ing peăng Kơnhŏng troh peăng Mâ hâi lo pơla hơnăm 2021-2025.

Xuân a hneăng hôp mê, Vi ƀan pơkuâ Kuô̆k hô̆i tối mơgêi rôh hôp má 3 ƀă veăng hnê tối roh apoăng hbrâ hneăng hôp má 4 dêi Kuô̆k hô̆i hneăng 15.

Gương tơplôu ƀă tơbleăng