VOV4.Xơ Đăng - Kơxê lơ 15/7, Hô̆i đong hnê ngăn Pơlê kong kân Hà Nội hiăng ai hlá mơ-éa krếo thế po hneăng hôp má 8, Hô̆i đong hnê ngăn pơlê kong kân hneăng 16, hneăng hơnăm 2021 – 2026 vâ séa ngăn, pơkâ mâu tơdroăng ki kal ối tung hnoăng pơkuâ. Hneăng hôp kô po a kơxê lơ 22/7 la ngiâ, vâ séa ngăn, pôk inâi kăn hnê ngăn Vi ƀan pơlê kong kân Hà Nội.

Hdrối mê, Khu xiâm pơkuâ tơdroăng kal kí hiăng ai pơkâ kơxô̆ 567 hâi lơ 14/7 pơkâ thế veăng tung Khu pơkuâ ngăn, Khu pơkuâ ƀă rak vế hnoăng cheăng pro kăn phŏ hnê ngăn pơlê kong kân Hà Nội hneăng hơnăm 2020 – 2025. Tiah mê, Khu xiâm pơkuâ tơdroăng kal kí pơtroh, xing xoăng hnoăng cheăng kơ  pôa Trần Sỹ Thanh, ngế cheăng tung tíu xiâm Đảng, kăn pơkuâ ngăn Đảng Séa ngăn liăn ngân tơnêi têa, Kăn xiâm Séa ngăn liăn ngân tơnêi têa pơtê pro kăn pơkuâ ngăn Đảng Séa ngăn liăn ngân tơnêi têa, vâ pơkâ thế veăng cheăng tung khu pơkuâ ngăn Đảng pơlê kong kân, pro kăn phŏ pơkuâ ngăn Đảng pơlê kong kân Hà Nội hneăng hơnăm 2020 – 2025, tơdrêng amê hlối tơbleăng pôa Trần Sỹ Thanh vâ Hô̆i đong hnê ngăn pơlê kong kân Hà Nội pôk pro kăn hnê ngăn Vi ƀan hnê ngăn pơlê kong kân Hà Nội hneăng hơnăm 2021 -2026.

Katarina Nga tơplôu ƀă tơbleăng