VOV4.Xơ Đăng - Pơtối tơdroăng hôp roh má 10, kơxo lơ 26/4, Vi ƀan pơkuâ cheăng Kuô̆k hô̆i veăng hnê tối ‘na tơdroăng tơkêa bro pơtối pơ’lêh nếo, mơdêk ki tơ-brê, pơxúa rôh hôp Kuô̆k hô̆i ƀă tơdroăng ‘mâi hơ’lêh, tơ’nôm tơdroăng kal dêi roh hôp Kuô̆k hô̆i. Tơdroăng tơkêa pro pơ’lêh nếo, mơdêk ki tơ-brê, rôh hôp Kuô̆k hô̆i  ai hbrâ hên, tối nhên mơgêi tâi tâng, tí tăng ‘nâi plĕng nhên mâu pơkâ nôkố ‘na roh hôp Kuô̆k hô̆i. Ing mê rah xo, tối mâu tơdroăng ki kal pơtối pơ’lêh nếo, mơdêk tâ nếo ki tơ-brê, pơxúa dêi roh hôp dêi Kuô̆k hô̆i.

Sap ing roh hôp ôh tá xê hmâ má môi kô nah xuân pơkâ kal tí tăng ngăn ‘na tơpui kâ ƀă tơdroăng ai khât ‘na mâu tơdroăng tơkŭm po, tơdroăng pêi pro mâu hlá mơ-éa ƀă hên ki ê... mâu pơkâ klêi châ pơkâ thế nhên ƀă hlối pêi pro xúa tung rêh ối.

Kơxê kố, Vi ƀan pơkuâ cheăng Kuô̆k hô̆i mơgêi rôh hôp má 10. Hdrối pôa Vương Đình Huệ, Kăn xiâm pơkuâ Kuô̆k hô̆i tơbleăng mơgêi hneăng hôp, Vi ƀan pơkuâ Kuô̆k hô̆i hôp pơkí, ăm hnê tối ‘na tơdroăng tối tơbleăng liăn ngân tơnêi têa hơnăm 2020 ƀă tối tơbleăng liăn ngân tơnêi têa hơnăm 2020.

Gương tơplôu ƀă tơbleăng