VOV4.Xơ Đăng - Tiô pơkâ dêi Khu xiâm ngăn hnê hriâm ƀă hnê mơjiâng tuăn ngoâ rơkê, sap ing hâi lơ 4/5, hok tro tung lâp tơnêi têa pơxiâm chêh inâi tơ’noăng râ má pái phôh thong hơnăm 2022. Rôh tơ’noăng ra má pái phôh thong kô po tung 2 hâi, hâi lơ 7 ƀă lơ 8/7/2022. Kố cho hơnăm ki apoăng, hok tro lâm 12 chêh inâi tơ’noăng râ má pái trung hok phôh thong tiô tơdroăng ki chêh tơdrêng ing troăng hyôh Internet (rêm hơnăm hok tro lam 12 hơnăm hriâm 2021 – 2022 chêh inâi tơ’noăng tiô tơdroăng ki ing chêh ing troăng hyôh Internet sap ing hâi lơ 4/5 troh 17 chôu hâi lơ 13/5 a Troăng rak ngăn tơ’noăng a tíu https://thisinh.thitotnghiepthpt.edu.vn.

Mâu hok tro hơnăm hdrối vâ veăng tơ’noăng tung hơnăm kố xuân athế chêh inâi tơdrêng ing troăng hyôh Internet ƀă phĭu môi tiah rêm hơnăm; tíu tơ’noăng xua Khu ngăn hnê hriâm ƀă hnê mơjiâng tuăn ngoâ rơkê mâu kong pơlê pơkâ. Drêng ai tơdroăng tơvâ, hok tro kal tơpui tơdrêng hlối ƀă thái cô ki châ pơcháu hnoăng cheăng tŏng kum dêi hngêi trung lơ krếo tổng đài (18008000 tiê a kơxô̆ 2)

Katarina Nga tơplôu ƀă tơbleăng