Hneăng hôp ai vâ chê 1.400 ngế, teăng mâ mâu khu râ kuăn pơlê, mâu hdroâng kuăn ngo, mâu khu loi tĭng, tiô khôp, mâu lêng tơplâ, mâu kuăn pơlê Việt Nam ki dế rêh ối a kong têa ê. Hneăng hôp kô tơbleăng tâi tâng tơdroăng cheăng dêi Vi ƀan xiâm Măt trâ̆n tơnêi têa Việt Nam hneăng 9, hneăng hơnăm 2019-2024 ƀă Tơdroăng pêi pro dêi Măt trâ̆n Tơnêi têa Việt Nam hneăng 10, hneăng hơnăm 2024-2029; Séa ngăn tơdroăng cheăng pêi dêi Vi ƀan, Khu kăn hnê ngăn ƀă Khu kăn Vi ƀan xiâm Măt trâ̆n tơnêi têa Việt Nam hneăng 9, hneăng hơnăm 2019- 2024; ‘Mâi hơ’lêh, tơ’nôm Tơdroăng dêi Măt trâ̆n Tơnêi têa Việt Nam; Hôp tơpui môi tuăn rah xo Vi ƀan Tíu xiâm Măt trâ̆n tơnêi têa Việt Nam hneăng 10, hneăng hơnăm 2024-2029; ƀă Tơbleăng Pơkâ hneăng hôp.

Tiô kơxô̆ dêi Ngế cheăng tung Vi ƀan xiâm Măt trâ̆n tơnêi têa Việt Nam hneăng 10 ƀă 405 ngế (tâk 20 ngế tâng pơchông ƀă hneăng 9).  Kơxô̆ Ngế cheăng tung Khu kăn hnê ngăn Vi ƀan xiâm Măt trâ̆n tơnêi têa Việt Nam hneăng 10 ai 72 ngế (tâk 10 ngế tâng pơchông ƀă hneăng 9).