Hên thái cô a Kon Tum tro heâk pơloi ing măng xah hô̆i
Thứ hai, 14:19, 16/10/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Mơhế khu râ kơvâ cheăng xuân môi tiah kơvâ Hnê hriâm ƀă hnê mơjiâng tuăn ngôa rơkê kong pơlê hiăng đi đo tâng tối tơbleăng ‘na tơdroăng ai khu ‘mêi heâk pơloi ing măng, la bú tung to lâi hâi kố hdrối kố nah hên thái kô a tơring Đăk Hà, kong pơlê Kon Tum hiăng tro hlôp kơ khu ‘mêi heâk pơloi ing măng bro khu ‘mêi châ kâ lối 1 rơtal 300 rơtuh liăn.
Tơdroăng mâu thái cô a tơring Đăk Hà, kong pơlê Kon Tum tro hlôi kơ khu ‘mêi pơloi ôh tá xê tro lŭp to ‘na cheăng kâ ăm tơná mâu thái kố mê ối pro hngêi trung ki mâu thái cô hnê mê tơ’nôm cheăng, tơ’nôm hnoăng cheăng pêi.
Ki xiâm khoh chiâng ai tơdroăng hên thái cô a tơring kố tro hlôp khu ‘mêi hêak pơloi tung măng, jâ Lê Thị Nhung, Kăn ƀơrô ngăn Hnê hriâm ƀă hnê mơjiâng tuăn ngôa rơkê tơring Đăk Hà, kong pơlê Kon Tum, tối ai hên tơdroăng ga, mơhé hiăng châ hnê tối hdrối ing mâu khu râ pơkuâ cheăng, malối ing mâu kŏng an.
La xuân ối ai mâu thái cô tro hlôp loi khu ‘mêi pơlông djâ. Tung tơdroăng ki hêak pơloi mâu thái cô tơmiât dêi tơná cho ngế ki tro tơdroăng mê khât mê vâi hiăng pêi pro tro tiô khu ‘mêi hnê klêi mê pơtroh liăn.
Viết bình luận