VOV4.Xơ Đăng - Klăng leh tơbâ 132 hơnăm Hâi Pôa Hồ Chí Minh, Kăn xiâm hnê ngăn tơnêi têa hneăng apoăng kot mâ  (19/5/1890 – 19/5/2022), hâi lơ 19/5, Hlá tơbeăng điê̆n tưh Đảng Kŏng san Việt Nam hiăng mơhno mâ yao diê̆n nếo Trang thông tin điê̆n tưh Hồ Chí Minh vâ pơtối pơ’lêh nếo, mơdêk tơdroăng xiâm, um yao diê̆n tơxâng tiô tơdroăng kal vâ dêi mơngế pơchuât tung tơnêi têa ƀă lâp plâi tơnêi.

Pôa Nguyễn Trọng Nghĩa, Kăn xiâm pơkuâ hnê ngăn cheăng Đảng, Kăn xiâm pơkuâ tơdroăng hnê mơhno cheăng kal tơnêi têa veăng ƀă xông tơpui a tíu tơkŭm po tơdroăng kal kố

Pôa Nguyễn Trọng Nghĩa, Kăn xiâm pơkuâ hnê ngăn cheăng Đảng, Kăn xiâm pơkuâ tơdroăng hnê mơhno cheăng kal tơnêi têa veăng ƀă xông tơpui a tíu tơkŭm po tơdroăng kal kố.

Xông tơpui a roh leh, pôa Nguyễn Trọng Nghĩa pơkâ thế Hlá tơbeăng điê̆n tưh Đảng Kŏng san Việt Nam pơtối rĕng châ ‘nâi, tơ’nôm tơdroăng, mâu tơdroăng kal pơtâng tối, tơbleăng, kum ăm mơngế pơchuât tung tơnêi têa ƀă kong têa ê hlê plĕng trâu hơngế tâ, tŭm têk tâ, ôh tá tơdjâk pakong, tŭm ‘na tơdroăng rêh ối, tơdroăng pêi cheăng dêi Pôa Hồ Chí Minh ƀă tơmeăm ki Pôa hiăng lôi ăm. Tơdrêng amê, tối mâu tơdroăng ki hôm, mâu ngế ki djâ troăng ahdrối rơkê, pro troh lâp lu rơdêi, mơhnhôk mâu tơdroăng pêi tơ’noăng pâ nhuô̆m tơnêi têa, hriâm tâp ƀă pêi tiô troăng tơdjâ, hiâm mơno Pôa Hồ Chí Minh.

A Sa Ly tơplôu ƀă tơbleăng