Tung péa hâi lơ 12 ƀă 13/12, mâu tơdroăng ‘na roh lăm pôu kăn xiâm tơnêi têa Việt Nam dêi Kăn xiâm pơkuâ ngăn Đảng, Kăn xiâm hnê ngăn tơnêi têa Tập Cận Bình hlo hên a mâu hlá tơbeăng ƀă hlá tơbeăng măng dêi Sinuâ. Um méa kuăn pơlê Việt Nam tơdah Kăn xiâm hnê ngăn kong têa Sinuâ, leh tơdah, hôp tơpui tơno, ôu têa chế, malối chêh hên Kăn xiâm pơkuâ ngăn Đảng Nguyễn Phú Trọng ăm hlối tơbleăng mơhno tơmeăm ki mê cho môi kơtâ um ki pro ƀă kơtôu uâng lâ têa kơxĭ ‘na um péa ngế ôu têa chế a Bắc Kinh tung hneăng lăm pôu mơ’nui hơnăm 2022 xua Kăn xiâm pơkuâ ngăn Đảng, Kăn xiâm hnê ngăn kong têa Tập Cận Bình hiăng châ tơkŭm đăng tơbleăng ăm kuăn pơlê châ ngăn lâp lu. 

Tung tơdroăng nếo ai dêi hlá tơbeăng Tân hoa xã ƀă hlá tơbeăng Nhân Dân chêh, Kăn xiâm pơkuâ ngăn Đảng Sinuâ Tập Cận Bình tối, “Tơdroăng tơrŭm krá pơla Việt Nam - Sinuâ, hlối cho ngế pú hlối cho ngế nhŏng o, cho um méa ki lĕm má môi ‘na tơdroăng tơrŭm pơla Việt Nam - Sinuâ.

Sinuâ đi đo ngăn tơdroăng tơrŭm pơla Việt Nam - Sinuâ ing râ a ‘ngêi ƀă ton ta ah. Pôa loi tiah kố, ƀă tơdroăng mơ-eăm tơdjuôm dêi péa pâ, tơdroăng tơrŭm péa tơnêi têa kô rế mơnhông tâ nếo tung la ngiâ loi nhoăm dêi rơpótâ, tơrŭm kring tơniăn tâ. Tơdroăng mơjiâng chuh nghiah xah hô̆i dêi péa tơnêi pơtối pêi châ tơƀrê nếo ƀă kô ai hnoăng veăng ‘no nếo ăm tơdroăng tơniăn, mơnhông tơƀrê ƀă kro mơdrŏng dêi kơpong ƀă tung lâp plâi tơnêi.