Hnê tơ’nôm mâu tơdroăng ki rơkê ăm kăn phŏ pơkuâ ngăn Đảng, kăn hnê ngăn Hô̆i đong, kăn hnê ngăn Vi ƀan kong pơlê, pơlê kong kân
Thứ ba, 06:00, 12/12/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 11/12, a Hà Nội, Học viện Chính trị quốc gia Hồ Chí Minh tơrŭm ƀă Khu tơkŭm po Tơnêi têa pơxiâm po lâm hnê tơ’nôm, mâu tơdroăng ki rơkê plĕng ăm kăn phŏ pơkuâ ngăn Đảng, Kăn hnê ngăn Hô̆i đong kuăn pơlê, Kăn hnê ngăn Vi ƀan hnê ngăn râ kong pơlê (Lâm hriâm ki má 3).
Ngế cheăng tung Khu xiâm pơkuâ tơdroăng kal kí, Kăn pơkuâ Học viện Chính trị quốc gia Hồ Chí Minh, Kăn hnê ngăn Hô̆i đong lĭ luâ̆n Tơnêi têa Nguyễn Xuân Thắng, Ngế xiâm pơkuâ Khu tơkŭm po lâm hriâm kố troh veăng ai mâ.
Pôa Nguyễn Xuân Thắng ăm ‘nâi, lâm hriâm kố cho vâ hnê tơ’nôm mâu tơdroăng ki rơkê plĕng ăm mâu ngế ki rak hnoăng cheăng ki kal tung pơkuâ, hnê mơhno pêi pro troăng hơlâ luât dêi Đảng, Tơnêi a mâu kong pơlê ƀă a mâu kơ koan Tơnêi têa, vâ pêi pro châ mâu tơdroăng ki pơkâ thế hơ’lêh rĕng dêi tơdroăng ai khât dế pơkâ mơ’no.
Rơtế amê mơdêk rơdêi tơdroăng ki tơkŭm pêi pro ƀlêi chiâng tâi tâng Pơkâ Hneăng hôp Đảng rôh má 13 ƀă Pơkâ hneăng hôp Đảng rêm râ.
Viết bình luận