Veăng hneăng hôp ai lối 1 rơpâu 100 ngế kăn teăng mâ teăng mâ ăm lối 11 rơtuh đoân viên tung lâp tơnêi têa. Kố cho tơdroăng ki kal dêi yai câ̆p kŏng nhân ƀă mơngế pêi cheăng, po apoăng ăm hneăng mơnhông mơdêk nếo dêi khu tơrŭm cheăng kŏng đoân.

Hneăng hôp 13 Kŏng đoân Việt Nam ai hnoăng mơnhên tơdroăng châ tơƀrê pêi pro Pơkâ Hneăng hôp má 12 Kŏng đoân Việt Nam, mơnhên pơkâ xiâm, hnoăng cheăng hơnăm 2023 – 2028; Rak xo Khu pơkuâ Tổng Liên đoân pêi cheăng Việt Nam hneăng má 13. Hneăng hơnăm 2018 – 2023, Kŏng đoân Việt Nam hiăng tơbleăng ƀă pêi pro kơxô̆ liăn tŏng kum hên, pêi kân ăm khu đoân viên, mơngế pêi cheăng ƀă nhŏng o dêi mơngế pêi cheăng tro tơdjâk xua pơreăng COVID-19 ƀă kơxô̆ liăn vâ chê 6 rơpâu rơtal liăn; Lối 30 roh đoân viên, mơngế pêi cheăng ai tơdroăng rêh ối pá puât châ lăm kơ-êng, rơkâu Têt, mơhnhôk diêp kơxuô tơmeăm roh ‘’Têt tơkŭm dêi pó’’ ƀă lối 28 rơpâu rơtal liăn.