Tung tơdroăng cheăng kâ rêh ối pơlê pơla trâm xơpá môi tiah nôkố, Rôh hôp châ tơngah kô mơdêk tuăn ngoâ, ivá khŏm mơ-eăm, hnoăng cheăng pôu râng dêi lối hrĭng ngế ki rơkê, khu ki hriăn ‘na khoa hok, khu mơdró kâ tung tơnêi têa ƀă a kong têa ê rơtế ƀă kăn Kuô̆k hô̆i ƀă hên ki ê “pleăng hnoăng” mâu troăng hơlâ pơkâ vâ mơdêk ivá ivá mơdêk cheăng kâ tung tơnêi têa, bro chiâng ivá ăm mơdêk ƀă mơnhông krá tơniăn.

Rôh hôp cho vâ hvái ngăn, mơnhên tối tâi tâng tơdroăng cheăng a kong têa ê ƀă tung tơnêi têa, ki nhên cho mâu tơdroăng ki tá hâi pêi pro tơƀrê, xơpá, tíu ki xơpá, ing mê, pơkâ mơ’no vâ hmâ ƀă tơdroăng ki nếo, mâu ivá ăm tơdroăng mơ’nhông ƀă mơdêk krá tơniăn. Rôh hôp xuân cho rôh vâ hnê tối môi tơdroăng: Kuô̆k hô̆i, Chin phuh, mâu kơ koan pơkuâ ngăn tơnêi têa đi đo rơtế ƀă mâu khu mơdró kâ vâ pêi pro mâu tơdroăng pơkâ ‘mâi mơnhông ƀă mâu tơdroăng ki xơpá dêi khu mơdró kâ vâ pêi pro klêi mâu tơdroăng pơkâ tơdjuôm mơ’no tung mơnhông mơdêk cheăng kâ rêh ối pơlê pơla.