Xông tơpui mơgêi hneăng hôp Kăn pơkuâ hnê ngăn cheăng Đảng ŭy Khô̆i mâu kơ koan tơnêi têa Nguyễn Văn Thể pơkâ thế mâu khu râ kăn pơkuâ hnê ngăn cheăng Đảng, khu tơrŭm cheăng Đảng tung Khu hnê mơhno kêi đeăng hnoăng cheăng kal kí; mâu tơdroăng pêi cheăng mơjiâng Đảng ‘na kal kí, hiâm tuăn tơmiât, hiâm mơno; tơdroăng tơkŭm po, séa ngăn, tơdroăng pơtâng tối mơhnhôk kuăn pơlê ƀă pơkuâ mâu khu râ tung péa hơnăm mơ’nui hneăng; mơ-eăm kêi đeăng ƀlêi trâng Pơkâ Hneăng hôp má XIII dêi Đảng ƀô̆ Khô̆i.

Klêi kơ’nâi hneăng hôp kố, mâu khu râ kăn pơkuâ hnê ngăn cheăng Đảng ối tung Đảng ŭy Rơ’jíu Việt Nam kô tơkŭm po hlê plĕng pêi pro, pơtâng tối, tơbleăng tơdroăng xiâm kơxop mơ-éa troh tâi tâng kăn ƀô̆, đảng viên, kŏng chưk, viên chưk tung tâi tâng Đảng ƀô̆.