5 hơnăm hdrối, pêi pro tơdroăng pơkâ dêi Hneăng hôp rôh má III, hnoăng cheăng hdroâng kuăn ngo, mâu tơdroăng cheăng, troăng tŏng gum hdroâng kuăn ngo châ kong pơlê Kon Tum pêi pro châ hên tơdroăng ki kal. Ki xiâm cho Rôh mơhnhôk “Pro pơhlêh túa tơmiât, túa pêi dêi kuăn pơlê hdroâng kuăn ngo, pro ăm kuăn pơlê hdroâng kuăn ngo mơ-eăm hluăn ing kơtiê krá tơniăn” gum lối 15.300 rơpŏng kơtiê, vâ chê kơtiê mơ-eăm hluăn ing kơtiê krá tơniăn.

Ing kơxô̆ liăn dêi mâu tơdroăng, kong pơlê Kon Tum hiăng ‘no ‘mêng rơnêu, pro ki nếo 1.160 toăng hngêi a kơpong hdroâng kuăn ngo gum kuăn pơlê tơ’lêi hlâu tung mơnhông mơdêk cheăng kâ ƀă tơdroăng rêh ối. Hneăng hôp pơtối tối rơdêi troăng prôk tơdrăng dêi Đảng ƀă Tơnêi têa ‘na tơdroăng hdroâng kuăn ngo ƀă tơrŭm kân pơla mâu hdroâng kuăn ngo.

Hneăng hôp ô eăng, khĕn kơdeăn 11 khu pú hên, 25 ngế krê ki kơhnâ rơkê tung hnoăng cheăng hdroâng kuăn ngo, troăng hơlâ tŏng gum hdroâng kuăn ngo.