Tung hâi pêi cheăng ki má môi, Hneăng hôp kố tơmâng mâu hlá mơ-éa pơchuât tơdroăng ki tơná pêi tá hâi tro dêi Khu pơkuâ ngăn Tơnêi têa Khu ngăn kuăn pơlê pêi chiâk Việt Nam hneăng 7; hmâng hlá mơ-éa pơchuât Tơdroăng Khu ngăn kuăn pơlê pêi chiâk Việt Nam ki ‘mâi hơ’lêh; Kuăn pơlê pêi chiâk Việt Nam ƀă kơxop hlá mơ-éa pơtroh ‘na tơdroăng ki ‘mâi hơ’lêh, ‘mot tơ’nôm Tơdroăng pơkâ Khu ngăn kuăn pơlê pêi chiâk Việt Nam ƀă kơxop hlá mơéa Pơkâ Khu ngăn kuăn pơlê pêi chiâk Việt Nam ki ‘mâi h’lêh; tơmâng tối tơbleăng pơkâ mơjiâng mâu Tíu xiâm tơpui tơno ƀă hnê mơhno tơpui tơno.

Hâi pêi cheăng má môi ƀă hên tơdroăng cheăng ki kal, mê cho: pôk Khu kăn hnê ngăn; Khu ngế ki chêh tôm xo; Khu séa ngăn hiâm mơno dêi mâu kăn; pơchuât tơbleăng klêi kơ’nâi séa ngăn hiâm mơno dêi mâu kăn; pêi pro troh tơdroăng tơbleăng Tơdroăng pêi cheăng dêi Hneăng hôp; tơbleăng Túa pơkâ pêi cheăng dêi Hneăng hôp.

Hdrối vâ mot tung Rôh pêi cheăng má môi, Kăn hnê ngăn Kuăn pơlê pêi chiâk Việt Nam Lương Quốc Đoàn pơkuâ djâ kăn kố veăng hôp a Hneăng hôp hiăng troh pleăng reăng ƀă mot ngăn tíu ‘măn poăng pôa Hồ Chí Minh; chôu nhăng tơbâ mâu ngế ki hlâ ai hnoăng, mâu mố đô̆i a Tíu meăm um tơbâ Bắc Sơn, Ba Đình, Hà Nội.