Kơxo, Khu kăn xiâm Đảng pêi cheăng a Hngêi hôp kân. Khu kăn xiâm Đảng pơkâ pơxâu phak ăm pơtê pro kăn ƀă tâi tâng mâu hnoăng cheăng pêi tung Đảng dêi pôa Lê Đức Thọ (Ngế cheăng tung tíu xiâm Đảng, Kăn hnê ngăn Đảng ủy kong pơlê Bến Tre) ƀă pôa Trịnh Văn Chiến (Ngế cheăng tung tíu xiâm Đảng, Kăn hnê ngăn Đảng kong pơlê, Kăn hnê ngăn Đảng đoân, kăn hnê ngăn Hô̆i đong kong pơlê, kăn hnê ngăn mâu kăn hnê ngăn Đảng, kăn hnê ngăn Vi ƀan kong pơlê Thanh Hóa.

Khu kăn xiâm Đảng hiăng têk kŏng vâ môi tuăn ăm Điểu K’ré (Ngế cheăng tung tíu xiâm Đảng, Kăn phŏ hnê ngăn Đảng kong pơlê Dak Nông pơtê cheăng dêi Vi ƀan xiâm Đảng hneăng 13. Kơxê: Khu kăn xiâm Đảng pêi cheăng a tôh tơpui tơno ‘na tơdroăng cheăng kâ- rêh ối, liăn ngân tơnêi têa hơnăm 2023, pơkâ hơnăm 2024, pơkâ ‘na liăn ngân tơnêi têa 3 hơnăm 2024 -2026 ƀă tơdroăng pơkâ ‘na kâ liăn khế ki nếo.