VOV4.Xơ Đăng - Kơxo lơ 30/6, a Hà Nội, Khu xiâm kal kí tơkŭm po hôp tâi tâng tung lâp tơnêi têa mơgêi 10 hơnăm pêi cheăng hbrâ mơdât kâ kơluâ, pro ôh tá tro tung pơla hơnăm 2012-2022, xua pôa Nguyễn Phú Trọng, Kăn xiâm pơkuâ hnê ngăn Đảng pơkuâ hneăng hôp. A hneăng hôp châ tơkŭm po vâ tối tơdroăng ki hiăng châ chiâng pêi pro, mâu tơdroăng pêi tơ-brê, tơdroăng hâi pêi pro, ki pêi hâi teăm tro tung tơdroăng hbrâ mơdât kâ kơluâ, tơdroăng ôh tá tro tung 10 hơnăm hdrối ƀă klêi kơ’nâi lối 1 hơnăm pêi pro tiô Pơkâ Hneăng hôp kân roh má III dêi Đảng, tối nhên xiâm, ƀai hriâm; pơkâ tơdroăng cheăng pêi, troăng rơhlâ ki kal ‘na hbrâ mơdât kâ kơluâ, pro ôh tá tro tung la ngiâ. 

Hneăng hôp lâp tơnêi têa mơgêi 10 hơnăm pêi pro plâ mơdât kâ kơluâ, pro ôh tá tro

Hnê tối, môi tuăn hlê plĕng ƀă pêi pro, tơbleăng pêi tơ-brê pơxúa mâu troăng rơhlâ, tơdroăng cheăng pêi ki nếo dêi Khu kăn xiâm, Khu xiâm kal kí, khu hnê mơhno cheăng Đảng ‘na hbrâ mơdât kâ kơluâ, pro ôh tá tro, malối cho tơdroăng mơjiâng ƀă tơbleăng pêi mâu tơdroăng cheăng dêi Khu hnê mơhno rêm râ kong pơlê ‘na hbrâ mơdât kâ kơluâ, pro ôh tá tro.

Gương tơplôu ƀă tơbleăng