Ƀă tơdroăng “Tơrŭm môi tuăn, Hriăn plĕng, tơrŭm tơrôa, pleăng hnoăng xua mơnhông mơdêk tung tŭm tơdroăng dêi vâi hdrêng, veăng mơjiâng tơnêi têa hơniâp ro, Hneăng hôp mâu Khu kring vế hnoăng rêh ối vâi hdrêng Việt Nam rôh má 4 hneăng 2023- 2028 pơxiâm po a kơxo hâi lơ 1/12 a Hà Nội.

Veăng hôp mê ai 270 ngế kăn teăng mâ ăm lối 110 rơpâu ngế tung lâp tơnêi têa.  Hneăng hdrối kố nah, Khu Kring vế hnoăng rêh ối vâi hdrêng Việt Nam ƀă hên khu tung kong pơlê hiăng kơhnâ, hbrâ ƀă hriăn plĕng hên tơdroăng vâ tơdjêp, tơ’mot tí tăng ‘nâi mâu tơdroăng dêi vâi hdrêng.

Ing mê tí tăng ‘nâi plĕng ‘na tơdroăng pơlê pơla hriâm, hôp tơpui tơno, hneăng hôp hiăng ai vâ chê 40 khu tơrŭm cheăng rêh ối châ tơmâng xo tơdroăng veăng hnê khĕn vâ chê 7 rơpâu ngế. Laga, tơdroăng cheăng dêi Khu hneăng hdrối mê hía nah xuân ối trâm hên xơpá, pơloăng mơnúa.

Hneăng hôp hiăng ‘nâi nhên kô pơtối mơ-eăm tơkŭm pêi mâu tơdroăng tro tiô tơdroăng nhoăm, pêi tro pơkâ, pêi tro luât vâi hdrêng ƀă mâu pơkâ dêi Luât ai tơdjâk troh vâi hdrêng. Tơdrêng  amê mơdêk mâu tơdroăng tơrŭm cheăng tơdjâk troh ‘na hbrâ mơdât ‘nêk mơ’nêa vâi hdrêng, pro xôi mâu hnoăng rêh ối dêi vâi hdrêng...