Hneăng hôp mâu Ngế xiâm ASEAN ‘na rak ngăn hyôh kong prâi rôh má 11
Thứ bảy, 06:00, 07/10/2023
Tơplôu: Gương/VOV
Tơplôu: Gương/VOV
VOV4.Xơ Đăng - Sap hâi lơ 8 troh hâi lơ 13/10, a kong pơlê Quảng Ninh, kô po hneăng hôp mâu Ngế xiâm ASEAN ‘na rak ngăn hyôh kong prâi rôh má 11 xua Việt Nam chêh inâi tơkŭm po ƀă hnoăng cheăng cho Kăn xiâm hnê ngăn.
Kố cho tơdroăng tối tơbleăng a rôh hôp ƀă khu chêh hlá tơbeăng po a kơxo hâi lơ 6/10 a kong pơlê Quảng Ninh. Hneăng hôp roh má 11 cho rôh hôp ki khât ƀă 4 rôh hôp pơla péa pâ, 9 tơdroăng po leh kân pakĭng hneăng hôp tơkŭm tơpui a mâu tơdroăng kal tơrŭm pơla mâu kong têa tung kơpong ASEAN tung kơvâ cheăng ‘na “Rak ngăn ki ôh tá mơhúa xua kong prâi pro”...
Hneăng hôp mâu Ngế xiâm ASEAN ‘na Rak ngăn hyôh kong prâi rôh má 11 kô tơbleăng pơxá “Tơbleăng Hạ Long ‘na pêi pro rĕng tung rak ngăn hyôh kong prâi ASEAN’’. Kố cho hriăn plĕng xua Việt Nam tối tơbleăng mơjiâng tung hơnăm pêi hnoăng cheăng pro Kăn xiâm hnê ngăn ASEAN tung rak ngăn hyôh kong prâi.
Viết bình luận