Ing mê, sap hâi lơ 20 troh hâi lơ 23/9/2023, a pơlê kong kân Đà Nẵng po hneăng hôp Khu Ngế xiâm ngăn ‘na Hyôh rơ’jíu Internet ASEAN rôh má 16 (pơxá cho 16th AMRI), hneăng  hôp mâu Ngế xiâm ngăn ‘na Hyôh rơ’jíu  Internet ASEAN +3 rôh má 7 (pơxá 7th AMRI+ 3) ƀă mâu hneăng Hôp mâu Kăn xiâm tơdjâk troh.

Dâng 60 ngế chêh hlá tơbeăng tung tơnêi têa veăng hôp. Pơkuâ hâi hôp khu chêh hlá tơbeăng, poâ Nguyễn Thanh Lâm, Ngế xiâm phŏ ngăn ‘na tơdroăng nêó ai Hyôh rơ’jiu internet ăm ‘nâi, xiâm tơdroăng tơpui tung hneăng hôp cho “ ‘na tơdroăng chêh tung hlá  tơbeăng ‘no tung hyôh rơ’jíu: Ing mâu tơdroăng tối ‘na mơngế Rơngê xua môi ASEAN ing ivá tơná Rơdêi ƀă Hmâ’’.

Kố cho tơdroăng ki châ Việt Nam rah tơpui hên tung plâ hneăng hôp ƀă tơdroăng pêi pro pa kĭng po hneăng hôp mê. Xiâm tơdroăng ƀă hnoăng cheăng, ki rơdêi tơdroăng chêh dêi hlá tơbeăng tung nôkố, chêh tối tơdroăng nếo ai mơnhông tơƀrê, ôh tá xê to a tối ăm ‘nâi mâu tơdroăng mê ối mơdêk hơ’lêh ing tơdroăng rơkê plĕng, mơjiâng môi ASEAN rơdêi, ‘mâi mơnhông ivá cheăng tung tơnêi têa, kâi chiu ƀă hmâ vâ mơhno ki rơdêi hnoăng cheăng tơná, ki rơdêi dêi ASEAN ôh tá xê to pêi to môi tơdroăng cheăng cheăng mê kâi hbrâ ví ƀă mâu tơdroăng ki ôh tá tơniăn tung lâp plâi tơnêi nốkố.