Tơbleăng a hneăng hôp ăm hlo, tung hơnăm 2023 Khu xiâm pơtâng tối tơdroăng kal tơnêi têa đi đo pơ’lêh nếo tơdroăng xiâm, troăng pêi cheăng ƀă hiâm mơno kơtăng khât, thâ, kơtăng, pôu râng hnoăng cheăng. Thăm achê tíu pêi cheăng, ‘nâi tơdroăng nôkố, teăm tơdrêng tah lôi pá puât, tơvâ tơvân, tíu ki kreăng vâ mơdêk ki dâi lĕm, châ tơƀrê tơdroăng pêi cheăng.

Xông tơpui a hneăng hôp, Kăn xiâm pơkuâ pơtâng tối tơdroăng kal Tơnêi têa Nguyễn Trọng Nghĩa pơkâ thế, tung la ngiâ khu kăn ƀô̆, đảng viên, mơngế pơkuâ, mơngế pêi cheăng tung Khu pơtối mơnhông hiâm mơno rŭm môi tuăn, tơdjuôm ivá môi hiâm mơno tơkâ hluâ pá puât, mơnhông hiâm mơno pôu râng hnoăng cheăng, pêi pro ƀlêi trâng mâu hnoăng cheăng hiăng pơkâ mơ’no tung hơnăm 2024.