Ngế pro xiâm hnê ngăn tơnêi têa ăm ‘nâi, troh chôu phut kố pin hiăng pêi châ tâi tâng 15 tơdroăng pơkâ ‘na cheăng kâ rêh ối hơnăm 2024, malối cho mơdêk lối 7%. Kố cho môi tơdroăng ki ƀlêi chiâng tơdjuôm dêi tơnêi têa, tung mê ai ivá veăng gum kal dêi tơdroăng cheăng tơpui kâ cheăng kâ. Ngế pro xiâm hnê ngăn tơnêi têa, mâu kăn tối tơdroăng, hriăn plĕng mâu troăng hơlâ ƀă khên tơnôu pơkâ mơ’no tơdroăng ki tơƀrê vâ mơdêk tung la ngiâ, ƀă pro tiah lâi châ toi mâu vâi pú kong têa ê ‘no liăn hên tâ a Việt Nam.

Ngế pro xiâm hnê ngăn tơnêi têa tối nhên, pin athế mơnhên, xo khu ki xiâm tung dế cho ivá vâ pêi tung la ngiâ ton xŏn, la kơxô̆ liăn pa gong xuân ối kal, mơnhông tơƀrê; athế thăm mơdêk hnê tối kong ngê̆; athế mơnhông tơƀrê ‘na troăng hơlâ cheăng kâ; ƀă tơkŭm hnê ăm mâu ngế cheăng rơkê, tơ’mot mâu ngế ki rơkê, pơhlêh nếo tơmiât rơkê ƀă athế pơkuâ rơkê plĕng.