Xông tơpui a hneăng hôp, pơlê pơla khu tê mơdró kheăn kơdeăn tơdroăng tơtêk, tiú mơ’no liăn cheăng ƀă tíu cheăng dêi Việt Nam; tơdroăng loi tơngah dêi mâu khu mơ’no liăn cheăng a kong têa ê tung troăng hơlâ pơkuâ dêi Chin phuh, Ngế pro xiâm hnê ngăn Chin phuh; hên grup cheăng kâ kong têa ê hvái ngăn Việt Nam ai hên roh tơ’lêi chiâng tíu xiâm tung tơdroăng tơxâng tơmeăm khoăng lâp plâi tơnêi; pơlê pơla lâp plâi tơnêi mơnhên Việt Nam ai hnoăng kal khât tung mơdêk lâp plâi tơnêi, hên khu mơ’no liăn kân tơkêa po rơdâ mơ’no liăn cheăng a Việt Nam tung la ngiâ.

Pôa Phạm Minh Chính pói vâ ƀă loi tơngah mâu khu tê mơdró, khu mơ’no liăn cheăng kong têa ê pơtối djâ tơdroăng tuăn pâ, loi tơngah, tơrŭm cheăng krá tơniăn, mơdêk hiâm mơno hiăng tơkêa thế pêi pro châ tơƀrê, rơtế ƀă mơnhông krá tơniăn, châ tơƀrê rơtế Việt Nam – Châ tơƀrê dêi mâu khu mơ’no liăn cheăng xuân châ tơƀrê dêi Việt Nam.