VOV4.Xơ Đăng - Kơxo lơ 22/4, a Hà Nội, xua ing pơkuâ dêi pôa Nguyễn Phú Trọng, Kăn xiâm pơkuâ hnê ngăn Đảng, Khu xiâm kal kí, Khu pơkuâ hnê ngăn cheăng Đảng tơkŭm po hneăng hôp lâp tơnêi têa hlê plĕng tŭm, pêi pro tiô Pơkâ 13-NQ/TW hâi lơ 2/4/2022 dêi Khu xiâm kal kí hneăng má XIII ‘na troăng mơnhông mơdêk cheăng kâ – rêh ối pơlê pơla, rak tơniăn cheăng lêng, gâk kring kơpong tơbăng kroăng Cửu Long troh hơnăm 2030, tơmiât pêi troh hơnăm 2045.

Pôa Nguyễn Phú Trọng, Kăn xiâm pơkuâ hnê ngăn Đảng

Hneăng hôp vâ hlê plĕng tŭm, pêi pro pơkâ 13 troh mâu khu cheăng, khu xiâm, kơvâ cheăng, kong pơlê, mơdêk hlê plĕng, pôu râng hnoăng cheăng, khŏm pêi tơdroăng kal kí dêi khu râ kăn xiâm cheăng Đảng, khu pơkuâ Đảng, kơ koan, khu tơrŭm cheăng, đảng viên, kŏng chưk, viên chưk, đoân viên, hô̆i viên vâ pê pro kơtăng, châ tơƀrê pơkâ dêi Khu xiâm kal kí. Hdrối mê, a roh hôp dêi Khu xiâm kal kí, pôa Nguyễn Phú Trọng hiăng tối nhên: kal thế pơkâ, mơnhên hnoăng cheăng, tíu cheăng ki kal dêi kơpong cheăng kâ kơpong tơbăng kroăng Cửu Long.

A Sa Ly tơplôu ƀă tơbleăng