VOV4.XơĐăng - Kơxo lơ 10/5, a Pơlê kong kân Hồ Chí Minh hiăngpo hneăng hôp tâi tâng ‘na tê mơdró điê̆n tưh Việt Nam 2022 ƀă pơxá ‘’ Tê mơdró điê̆n tưh mơdêk cheăng kâ klêi kơ’nâi pơreăng kân”. A hneăng hôp,  mâu  kăn tối tiah kố: Tê mơdró hiăng pro pơ’lêh kân tơdroăng tê mơdró dêi khu mơdró ƀă hmâ rôe tơmeăm xúa dêi kuăn pơlê xúa, malối klêi kơ’nâi pơreăng kân COVID-19.

Mâu kăn tơpui tơno a hneăng hôp

Tê mơdró điê̆n tưh hiăng mơdêk rơdêi tung pơla hơnăm 2020 -2021 ƀă kô châ hên dâng 39 rơtal dollars a hơnăm 2025. Kố xuân cho troăng rơhlâ mơnhông mơdêk krá tơniăn tung hên túa mâu ƀâng tê tơmeăm tung la ngiâ, mơhé ai pơreăng lơ ôh. Riân troh tơdế apoăng hơnăm 2021, Việt Nam ai lối 8 rơtuh ngế xuá tơdrêng tung măng nếo.

Nôkố, mâu khu mơdró  điê̆n tưh ki kân ki hên tơkŭm a Hà Nội pơlê kong kân Hồ Chí Minh. Ing hơnăm 2021 troh nôkố, tơmeăm tê mơdró điê̆n tưh tâk ing 1,5- 2 hdrôh tâng vâ pơchông ƀă hdrối ai pơreăng nah.

Gương tơplôu ƀă tơbleăng