Tiô pơkâ mơjiâng Tôh pêi cheăng ‘mâi hơ’lêh tơdroăng pro hlá mơ-éa pêi cheăng dêi Ngế pro xiâm hnê ngăn Chin phuh nếo pơkâ, Tôh pêi cheăng ai 15 ngế, pôa Trần Lưu Quang, Ngế pro xiâm phŏ hnê ngăn Chin phuh pro tôh trương. Tôh pêi cheăng hiăng ‘nâi nhên tơdroăng cheăng ki kal ‘mâi hơ’lêh túa pro hlá mơ-éa, kal tơkŭm hnê mơhno tung mâu khế mơ’nui hơnăm tiô tơdroăng cheăng dêi tơrêm rơpŏng, kơ koan tơdâng tơ’mô khu xiâm.

Ing mê, kơdroh ăm tơ’lêi hlâu tơdroăng pơkâ tê mơdró, pro hlá mơ-éa, hlá mơ-éa kuăn pơlê hiăng châ kĭ mê ai lối 120 túa hlá mơ-éa, khu pro hlá mơ-éa ki kal, hlá mơ-éa kuăn pơlê dêi 16 khu xiâm, kơ koan. Ing 400 pơkâ tê mơdró, Khu pơkâ tê mơdró dêi 9 khu xiâm, kơ koan. Séa ngăn, tối tơbleăng dêi Ngế pro xiâm hnê ngăn Chin phuh troăng rơhlâ tâi tâng pôe kơdroh, pro tơ’lêi hlâu 13 khu pơkâ, tơdroăng pro hlá mơ-éa ki xiâm tung rak ngăn dêi 9 khu xiâm, tung mê ai 2 khu tơdjuôm dêi mâu khu xiâm, kơ koan ki tơdjâk troh.