VOV4.Xơ Đăng - Kơxo lơ 25/4, a Hà Nội, Khu xiâm Kŏng an ƀă Khu hnê tối tơdroăng kal tơnêi têa tơrŭm tơkŭm po hneăng hôp khoa hok tơnêi têa “Mâu lêng kăn sát tung tơdroăng cheăng kăch măng Việt Nam”. Lối 100 ƀai chêh pơtroh ăm hneăng hôp, tơpui tâi tâng tơdroăng ‘na tơpui kâ ƀă ki ai khât ‘na mơjiâng khu lêng kăn sát kuăn pơlê ai tuăn chân krá, rơkê plĕng, xua kuăn pơlê kum kuăn pơlê tung tŭm tơdroăng cheăng. Xo mê ai tối: tung pơla tơplâ, mơjiâng tơnêi têa ƀă xông rơdêi, khu lêng Kan sát đi đo mơ-eăm, tơkâ luâ xơpá, kơhnâ tung pêi cheăng, pê tâi hiâm mơno kum kuăn pơlê, tơxâng ƀă 16 chư mêa châ Tơnêi êa khêĕn kơdeăn, kan sát Việt Nam ‘nâi plĕng, khên tơnôu, xua tơnêi têa xua kuăn pơlê piu dêi tơná vâ kum tơnêi têa”.

Kố cho mâu tơmeăm khoăng khoa hok ki kro mơdrŏng, pê tâi hiâm tuăn tơná, tá tuăn rơkê, tá hnoăng cheăng, ai hên tơdroăng, hên túa, tối tro ‘na mâu tơdroăng ki ai khât tơdjâk troh tơdroăng cheăng mơjiâng mâu lêng Kan sát kuăn pơlê kăch măng, rơkê, plĕng tiô túa nếo.

Gương tơplôu ƀă tơbleăng