VOV4.Xơ Đăng - Kơxo lơ 28/4, a Hà Nội, Khu hnê mơhno mơjiâng tơdroăng tơkêa bro “mơgêi 10 hơnăm pêi pro tiô pơkâ Xiâm tơnêi têa má 8 hneăng 11 ‘na tơdroăng kring vế Tơnêi têa tung tơdroăng nếo nôkố tơkŭm po Hneăng hôp hnê tối ƀă tơbleăng mơgêi 10 hơnăm pêi pro tiô pơkâ xiâm tơnêi têa má 8 hneăng 11 ‘na tơdroăng kring vế tơnêi têa tung tơdroăng nếo nôkố. Pôa Nguyễn Xuân Phúc, Kăn xiâm hnê ngăn tơnêi têa, Ngế pơkuâ hnê mơhno cheăng pơkuâ hneăng hôp. Tơbleăng mơgêi hneăng hôp, pôa Nguyẽn Xuân Phúc tối nhên, Pơkâ xiâm Tơnêi têa má 8 hneăng 11 ‘na tơdroăng kring vế tơnêi têa tung tơdroăng nếo nôkố cho môi tơdroăng pơkâ ki kân tối ‘na kuăn ngo, hdroâng mơngế, ‘na tơnêi têa.

Hneăng hôp tơpui tơdroăng tơbleăng mơgêi 10 hơnăm pêi pro tiô pơkâ xiâm tơnêi têa má 8 hneăng 11

Pôa Nguyễn Xuân Phúc tối nhên pơkâ xiâm tơnêi têa má 8 hneăng 11 châ pơkâ ing tơdroăng hiăng châ pêi tơ-brê tung túa cheăng, ‘na tơpui kâ ƀă ki hlo khât tung plâ vâ chê 30 hơnăm pơ’lêh nếo tơnêi têa, hiăng pơtối rak vế 10 hơnăm pêi pro tiô Pơkâ xiâm tơnêi têa má 8 hneăng 9 ‘na tơdroăng kring vế tơnêi têa tung tơdroăng rêh ối nếo nôkố. Pơkâ mê cho kal khât mơhno troăng hơlâ ki nếo, tơ-ƀrê ‘na pơkuâ hnê mơhno dêi Đảng ƀă tơdroăng cheăng kring vế tơnêi têa tung tơdroăng rêh ối nếo nôkố.

Gương tơplôu ƀă tơbleăng