VOV4.Xơ Đăng - Kơxo lơ 23/6, a Pơlê kong kân Hồ Chí Minh, Khu xiâm tơkŭm po tơdroăng tơrŭm ƀă Hô̆i đong tơpui leăng Tơnêi têa ƀă Khu khu râ kăn pơkuâ hnê ngăn cheăng Đảng Pơlê kong kân Hồ Chí Minh tơkŭm po tơpui tơno khoa hok tơnêi têa ‘’Pơ’lêh nếo troăng pơkuâ dêi Đảng ƀă tơdroăng pêi cheăng dêi khu cheăng kal kí – Mâu tơdroăng tơpui leăng ƀă tơdroăng nôkố’’ a kơpong peăng Hdroh tơnêi têa.

Xông tơpui koh phiu ro hneăng hôp tơpui tơno, pôa Nguyễn Văn nên, Kăn pơkuâ hnê ngăn cheăng Đảng Pơlê kong kân Hồ Chí Minh tối ăm ‘nâi, ing tơpui tơno, Pơlê kong kân Hồ Chí Minh kô tơmâng xo hên tơdroăng ki rơkê dêi mâu ngế rơkê, ngế cheăng khoa hok, dêi mâu kong pơlê, pơlê kong kơdrâm pú hmâ vâ pêi pro tung tơdroăng nôkố.

Mâu rơkong tơpui tối xông tơpui a Hneăng hôp tơpui tơno tơkŭm tung tơdroăng vêh mơnhên 15 hơnăm pêi pro Pơkâ 15, tơdroăng nôkố a kong pơlê, pơkâ mâu troăng pêi ki tơtêk, kum Khu hnê mơhno ai xiâm kối krá tơniăn drêng djâ mâu tơdroăng xiâm tung tơdroăng tơkêa tơbleăng Khu xiâm pơkuâ tơnêi têa a khế 10 hơnăm 2022, vâ Tơnêi têa séa ngăn, tơbleăng Pơkâ ‘na pơtối pơ’lêh nếo troăng hnê mơhno, pơkuâ dêi Đảng ƀă khu cheăng kal kí tung tơdroăng nếo nôkố.

A Sa Ly tơplôu ƀă tơbleăng