Pơxiâm po hneăng hôp tơpui tơno, Kăn xiâm phŏ hnê ngăn tơnêi têa Huỳnh Thị Xuân Lam, Kăn xiâm phŏ hnê ngăn Khu lo tŏng veăng Việt Nam mơnhên: Hneăng hôp tơpui tơno roh kố mơnhên hiâm mơno pêi cheăng tâi ivá, khŏm mơ-eăm păng ‘nâng ƀă tơdroăng mơ-eăm dêi droh rơtăm mâu Khu lâp plâi tơnêi tung hnoăng cheăng tŏng kum mơngế hliăng tiâ; hnoăng cheăng, hnoăng pôu râng ƀă hnoăng kân kĭn ki khu droh rơtăm phô̆m xông kân, droh rơtăm Khu lo tŏng veăng kơpong Châu Á – Thái Bình Dương hbrâ pôu râng hnoăng cheăng vâ tơleăng mâu tơdroăng dế pơkâ mơ’no.

A hneăng hôp tơpui tơno, mâu kăn teăng mâ droh rơtăm kơpong Châu Á – Thái Bình Dương rơtế tơpui tơno ‘na mâu tơdjâk rế hía rế ôh tá ‘nâi tối hdrối dêi kong prâi pro ôh tá tơniăn, pơreăng thăm pro tâk mâu tơdroăng kal vâ tŏng kum tung lâp plâi tơnêi; mâu tơdroăng ki kâi trâng, pơ’lêh ó rơdêi dêi Khu lo tŏng veăng tơnêi têa.