VOV4.Xơ Đăng - Tung tơdroăng trâm mâ Gia Lai – Nhuk 2022, hâi lơ 22/5, Khu pơkuâ tơrŭm tơpui kâ kong têa ê kong pơlê Gia Lai tơrŭm Tíu xiâm pêi tơdroăng tơrŭm tơpui kâ ƀă kong têa ê ƀă Hneăng hôp Lâp plâi tơnêi FSC (ối tung Khu pơkuâ tơrŭm tơpui kâ pơlê kong kân Hồ Chí Minh) ƀă Tíu xiâm trâm mâ tơpui tơno Việt Nam – Nhuk tơkŭm po hôp tơpui tơno ‘’Tơmeăm ki ai hlâu ƀă roh tơ’lêi mơ’no liăn pơla Gia Lai ƀă mâu kong pơlê dêi kong têa Nhuk’’ a pơlê kong kơdrâm Plei Ku.

Hneăng hôp tơpui tơno ‘’Tơmeăm ki ai hlâu ƀă roh tơ’lêi mơ’no liăn pơla Gia Lai ƀă mâu kong pơlê dêi Nhuk’’

A hneăng hôp tơpui tơno, pôa Shimizu Akira – kăn pơkuâ teăng mâ ƀơrô kơ koan tơrŭm cheăng lâp plâi tơnêi kong têa Nhuk JICA tối pói vâ, Gia Lai pơtối pro tơniăn mâu tơdroăng vâ mâu khu tê mơdró Nhuk hmiân tuăn mơ’no liăn ton xŏn. Pôa Hồ Phước Thành – Kăn phŏ hnê ngăn Vi ƀan kong pơlê Gia Lai tối ăm ‘nâi, tơdroăng thăm pêi pro mơhnhôk mâu khu râ mơ’no liăn mơnhông mơdêk pêi chiâk deăng, kơmăi kơmok uâ mơdiê tơmeăm, kơmăi kơmok vêh pro on tơhrik ƀă ôm hyô châ kong pơlê mơnhên cho môi tung mâu hnoăng cheăng ki xiâm tung hneăng hơnăm 2020 – 2025.

Gia Lai pói vâ, krếo khu tê mơdró kong têa ê, tung mê ai khu tê mơdró troh ing kong têa Nhuk mơ’no liăn cheăng tung mâu kơvâ cheăng dêi kong pơlê.

A Sa Ly tơplôu ƀă tơbleăng