Ai lối 700 kăn teăng mâ hneăng hôp, tung kơxô̆ kố ai hên kăn teăng mâ lâp plâi tơnêi troh ing Khu tơrŭm kơphế lâp plâi tơnêi – ICO, khu tơrŭm tê mơdró mâu kong têa: Ăng-glê, Alơmăng, Nhuk, Mih, Úc, Singapore, Hàn Quốc, Sinuâ, Brazil... Hneăng hôp tơkŭm tơpui tơno mâu tơdroăng xiâm ki trâu hơngế ‘na kơphế, môi tiah: Tơdroăng kơchơ mơdró kơphế lâp plâi tơnêi, troăng xúa kơphế; Mâu pơkâ ƀă mâu kơpong pêt kơphế...

Rơtế amê, mâu kăn teăng mâ xuân tơpui tơno ‘na hnoăng khu tê mơdró tung tơdroăng mơdêk râ kơphế Việt Nam ƀă mơjiâng inâi kơphế Ƀuôn Ma Thuột – tíu troh kơphế lâp plâi tơnêi; Tơdroăng tê ngi kong têa ê ‘na kơphế, mơnhên troăng mơnhông kơchơ mơdró ƀă tíu ki mơdât xúa kơphế lâp plâi tơnêi nôkố, pơkâ kơchơ mơdró ăm kơvâ kơphế Việt Nam.