Tơbleăng hnê mơhno a hneăng hôp, jâ Trương Thị Mai, Ngế cheăng tung khu xiâm kal kí, Kăn hnê ngăn đảng, Ngế pơkuâ Khu tơrŭm cheăng Xiâm tơnêi têa ăm ‘nâi, hâi  leh Tâi tâng tơrŭm môi tuăn châ tơkŭm po rêm hơnăm hiăng pêi pro tơdroăng tơrŭm ivá mơno, mơnhông mơdêk hnoăng cheăng pêi dêi rêm ngế kuăn pơlê.  

Kố cho tơdroăng ăm hlo ki  kơdôu mơ-eăm ôh tá la lâi pơtê dêi Măt trâ̆n tơnêi têa Việt Nam sap mơjiâng nah ta troh nôkố, hiăng ‘no hên hnoăng cheăng pêi pro tơleăng lĕm hdroâng mơngế, lâp tơnêi têa tơrŭm môi, tơdroăng cheăng mơjiâng ƀă kring vế tơnêi têa. Jâ Trương Thị Mai tối nhên:  Hâi leh cho tơdroăng pêi pro pơxuá khât, hlối tơ ƀrê ƀă hiăng pro hên rơtuh ngế vâ veăng, ai kơdrâm khu râ kuăn pơlê; pơtối rak hnoăng pơkuâ dêi kuăn pơlê ƀă tơdroăng cheăng pêi ki xiâm kal kí dêi Măt trâ̆n tung mơjiâng khu tơrŭm môi tuăn tâi tâng hdroâng mơngế.