Tơkŭm po troh hâi lơ 23/12, Hneăng tơ’noăng ivá Phù Đổng kong pơlê Gia Lai roh kố mơhnhôk lối 3.100 ngế tơ’noăng dêi 69 khu troh ing mâu tơring, pơlê kong krâm, pơlê kong kơdrâm ƀă mâu hngêi trung râ má pái tung lâp kong pơlê. Mâu ngế tơ’noăng kô tơbriêt tơ’noăng a 3 râ: râ má môi ƀă 4 môn tơ’noăng, râ má péa ƀă 12 môn ƀă râ má pái ƀă 11 môn. Mâu môn tơ’noăng mê cho: klê têa, peăng pĭng pŏng, peăng ƀa long, kơtú ƀalong, peăng xâk í, cờ vua, trut loăng, kơtâu, voh Karate, Vovina, Taekwondo, tơhrot kơxái.

Xông tơpui pơxiâm po, Kăn pơkuâ Hnê hriâm ƀă Hnê mơjiâng tuăn ngôa rơkê, Kăn pơkuâ tơkŭm po Hneăng tơ’noăng ivá Phù Đổng kong pơlê Gia Lai Lê Duy Định tối nhên: ‘’Hneăng tơ’noăng Phù Đổng cho hnoăng cheăng ki kơjo má môi tơdroăng tơ’noăng ivá hok tro, kố cho tơdroăng vâ hnê mơnhông ivá châ chăn, mơdêk ivá, kum pât ‘na hiâm mơno, pêi pro châ tơƀrê pơkâ hnê hriâm tâi tâng ăm hok tro’’.