Kố cho khu tơ’noăng châ rah xo ƀă châ kâ pri kân tung hneăng hôp râ tơring châ tơkŭm po hdrối mê. Mâu khu kô tơkâ hluâ 3 tơdroăng tơ’noăng mê cho kơ-êng, tí tăng ‘na tơdroăng rơkê tơdjuôm, tơleăng tơdroăng ƀă tơ’noăng pro pơro pơtâng tối mơhnhôk kuăn pơlê rơkê. Ƀă mâu tơdroăng mơđah tơbleăng a tíu mơđah tơbleăng, a rêm tơdroăng tơ’noăng, mâu khu thế mơhno ‘na pơlê, khu pú hên Đảng, kơ koan, tíu cheăng, khu tơrŭm tung khu; tơdroăng châ tơƀrê pêi pro tơdroăng pơtâng tối mơhnhôk kuăn pơlê a pơlê, kơ koan, tíu cheăng.

Tơleăng tơdroăng tơxup tơbriât tơnêi tơníu, tơdroăng tơhôu nôkố a pơlê; tơdroăng po rơdâ pêi pro troăng hơlâ hdroâng kuăn ngo, troăng hơlâ loi tĭng tiô khôp; tơdroăng tăng tơnêi, chêl liăn tung xo tơvêh tơnêi; pêi pro pơkâ kuăn pơlê pơkuâ dêi hnoăng cheăng; tơleăng mâu roh xăm tối tơkŭm kơdrâm mơngế, tơrŭm tơpui kâ tung kơ koan, trâm mâ ƀă kuăn pơlê.